Во домот на културата во Пожаревац денеска беше одржана комеморација на Мира Мишковиќ, а во 15:00 часот урната со нејзините посмртни остатоци беше положена под липата во заедничката гробница, покрај нејзиниот сопруг Слободан Милошевиќ.
Пред спуштањето на урната со нејзините посмртни остатоци, беше прочитано писмо од нејзината ќерка Марија Милошевиќ, која не можеше да присуствува на погребот.
„Драго ми е што не можеш да го читаш сето ова што се пишува за тебе од 14 април. Гебелс е мало бебе за оваа пропаганда против нас, напиша Марија во писмото. Сега те нема повеќе и ништо не боли, остана болка во мене затоа што тебе те нема, не си овде….
Мило мое партизанско дете, мамичке моја мила и нежна, христијанско православно дете, ти знаеш дека имаш 40 дена да го пронајдеш мојот татко. Почивај во мир. А јас ќе дојдам, пишува во писмото од Марија Милошевиќ.
Таа во писмото вети дека ќе напише книга, како би исполнила се она што и ветувала на нејзината мајка.
Мирјана Марковиќ-Мишковиќ, сопругата на Слободан Милошевиќ почина на 14 април, во 77- та година од својот живот, поради компликации со белите дробови.
Таа по своја желба беше кремирана во Русија, а денеска нејзината урна е положена во Пожаревац. Таа беше испратена со Руската песна „ Падмосковска вечера„ под липата на гробот каде што е почива нејзиниот сопруг, Слободан Милошевиќ.
[ngg src=”galleries” ids=”25″ display=”pro_film”]
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.