Новиот експресен пат Штип – Кочани откри богато археолошко наоѓалиште, пишува тв 24.

Два черепи во заедничка гробница се откриени на археолошкиот локалитет Долченица. Овие денови археолозите пронајдоа нови артефакти. 

Новите артефакти датираат од средината на четвртиот век, а според археолозите, откопана е дел од некропола на град, од доцна античкиот период. Митко Штерјов првиот човек на штипскиот Музеј, рече дека откритијата се резултат на запоставеноста на овој регион со ископувања.

Науката веќе знае за заедничко погребување во доцна античкиот период. Сепак, вредноста на овој пронајдок е во тоа што тој досега не е откопуван и оштетен од диви копачи. Во следните нешто повеќе од еден месец, се очекува педесетината археолози и соработници да откријат и други пронајдоци, важни не само за земјава, туку и за светското културно наследство.

Исто така истражувања се прават на трасата од експресниот пат Штип – Кочани, кој моментално е во изградба. Околу 45.000 евра ги финансира Јавното претпријатие за државни патишта.