По повод посетата на Папата во Вторник, на неколку часа ќе биде затворен и скопскиот аеродром.

Објавил: admin@magazin | 3 мај, 2019 20:19

Папата Франциск направи хаос во Македонија: „Во вторник ќе биде затворен и аеродромот во Скопје”

Фото/Текст извор: ©онлине магазин

По повод посетата на Папата Франциск во вторник на 7- мај, на неколку часа ќе биде затворен и скопскиот аеродром во Скопје.

Во го пренесуваме во целост соопштението од аеродромот во Скопје: 

Со оглед на посетата на Папата Францис на Република Македонија, на 7-ми мај 2019 година и регулираниот сообраќај на патните правци до и од Меѓународниот Аеродром Скопје согласно информациите објавени на веб-страницата https://papa.mk, ги информираме сите патници кои имаат утрински летови од Меѓународниот Аеродром Скопје на 7-ми мај, дека ќе треба да пристигнат на аеродромот најдоцна во 7 часот, бидејќи од 7:30 часот до 9 часот патот до аеродромот ќе биде затворен за сообраќај, додека оние патници кои ќе имаат вечерни летови, ќе треба да пристигнат на аеродромот најдоцна до 15:30 часот, бидејќи од 16:15 часот патот до Меѓународниот Аеродром Скопје ќе биде затворен за сообраќај. За сите детали во врска со режимот на сообраќај од Аеродромот до Градот Скопје и евентуални измени, Ве молиме проверете ја веб-страницата https://papa.mk/soobrakjaj/ и контактирајте ги релевантните државни институции, соопштуваат од скопскиот аеродром.

-Во врска со редовниот автобуски превоз за патници на ТАВ Македонија, од Градот Скопје до Меѓународниот Аеродром Скопје и во обратната насока, со официјалниот превозник Манора, на 7-ми мај, временскиот распоред на автобуските линии нема да претрпи промени, освен линијата која во 8:30 часот поаѓа од Аеродромот кон Скопје, која што на 7-ми мај ќе тргне половина час подоцна. За сите информации и евентуални измени во автобускиот превоз за патници од и до Аеродромот, Ве молиме проверете на веб-страницата на Манора изјавуваат оттаму.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.