Во Јужна Африка, три милиони луѓе би можеле да бидат заразени со вирусот корона до крајот на годината, додека болеста би можела да убие и до 50.000 пациенти, со оглед дека зимата во јужната хемисфера може да доведе до зголемување на стапката на инфекција, предвидуваат научниците.

Јужна Африка досега бележи најголем број случаи на континентот – повеќе од 18.000, додека 339 лица починале како резултат на КОВИД-19 од почетокот на епидемијата.

Земјата во моментот влегува во шестата недела откако на сила стапија мерки за карантин за да се забави ширењето на вирусот.

Како и да е, научниците предвидуваат дека до ноември би можело да има помеѓу 35.000 и 50.000 смртни случаи во оваа земја како резултат на КОВИД-19.

Како и да е, научниците предвидуваат дека до ноември би можело да има помеѓу 35.000 и 50.000 смртни случаи во оваа земја како резултат на КОВИД-19.

Покрај тоа, експертите стравуваат дека фокусот на пандемијата на вирусот корона може да ја загрози борбата против други болести кои се присутни во оваа земја, како што се туберкулоза и ХИВ.

Истражувањата покажуваат дека карантинските мерки во Јужна Африка ја намалиле стапката на инфекција за 60 проценти и дека од почетокот на мај, кога се олесниле мерките, тој број се намалил на 30.