Њујорк Тајмс објави делови од книгата „Гранични војни: Напад на Трамп врз имиграција“, која ќе излезе на продажба на 8 октомври, во која се наведува дека американскиот претседател Доналд Трамп им предложил на соработниците на САД да се борат против илегалните мигранти од Мексико: “пукајте им на мигрантите во нозете, и пуштајте алигатори и змии“ – ова било ставот на Трамп.

Новинарите Мајкл Д. Шир и Јулија Хирсфелд Дејвис известуваат дека Трамп за време на состаноците со неговитед соработници барал проценка на трошоците за овие идеи, за кои верувал дека ќе запре илегалната имиграција од Мексико во Соединетите држави.

“Мислите дека изгледам како идиот“, викал Трамп  на соработниците кои не се согласувале со неговите идеи.

Меѓу присутните соработници на состанокот биле и тогашната државна секретарка за безбедност Киртсен Нилсен и тогашниот советник, инаку неговиот зет, Џаред Кушнер, кои ја напуштиле салата за состаноци во паника.

Трамп исто така имал идеја дека граничниот ѕид да биде обоен во црно за дa апсорбира што е можно повеќе топлина, што ќе го отежни преминувањето на оние кои се качуваат по ѕидот, а исто така размислувал и за конструкција на површина што би спречила качување, како и криви метални цилиндри, но естетски не му се допаднало.