За прв пат по 86 години, првата молитва од нејзиното преименување во џамија се одржа денес во Аја Софија, а верниците и бројните туристи пристигнаа во Истанбул од раните утрински часови, на молитвата која ќе се одржува на пладне ќе биде присутен и претседателот на Турција, Реџеп Таип Ердоган.

Аја Софија ќе биде отворена за молитви со молитвата Jумуа (голема молитва на пладне), а веќе по утринската молитва, почнаа да пристигнуваат и оние кои сакаа да ја извршат првата молитва во оваа џамија. Околу 20.000 полицајци го обезбедуваат собирот.

Многу граѓани чекаат на 11 контролни пунктови да им се дозволи да влезат во областа каде ќе се одржува  молитва.

После дезинфекцијата, надлежните служби им доставуваат на верниците маски за еднократна употреба и престилки за молитва.

Во исто време, на граѓаните им се дава симит (леб) и чај.

Освен турскиот претседател, се очекува и претставници од други официјални претставници на повеќе партии да присуствуваат на церемонијата на отворање на џамијата. Исто така, по повод церемонијата, пристигнаа многу домашни и странски туристи.

Преземени се високи безбедносни мерки.

Како дел од воведените мерки за да се спречи ширењето на коронавирусот, се планира молитвата да се изведува во пет зони на отворено, три за мажи и две за жени, објави турската агенција Анадолија.

Исто така, распоредени се 736 здравствени работници  на 17 локации, како и неколку десетици амбулантни возила, како и хеликоптер за брза помош.

Црквата Света Софиja или Црквата на Пресветата Мудрост е поранешна православна базилика, која во текот на својата историја била претворена во џамија, а денес е музеј. Објектот се наоѓа во реонот Фатих во Истанбул, Турција. Во периодот кога била изградена, односно во 4 век, до 1453 година служела како византиска катедрала на Константинопол, освен во периодот од 1204 до 1261 година, кога била претворена во римокатоличка катедрала по заземањето на градот од страна на крстоносците и основањето на Латинската Империја. Како џамија, објектот служел од 29 мај 1453 година до 1931 година, кога истата била затворена. Од 1 февруари 1935 година претставува музеј.