Пред една година американскиот бизнисмен и микрокомпјутерски пионер Бил Гејтс ја предвиде појавата на смртоносниот вирус кој сее страв во светот.

Бил Гејтс пред една година на конференцијата организирана од медицинската заедница во Масачусетс, рече дека на светот му се заканува епидемија од која животот ќе го загубат околу 33 милиони луѓе и тоа за само 6 месеци.

Гејтс тогаш истакна дека светот „не посветува доволно вниманиена напредокот на подготвеноста за пандемија“.

„Во случај на биолошки закани, нема чувство за брза реакција. Светот мора да се подготви за пандемии на ист начин како што се подготвува за војна“, рече тој.

Во својата презентација Бил Гејтс тогаш претстави една студија со која покажува колку брзо може да се шири нова болест. 

По само една година од неговата презентација, светот се соочува со смртоносниот корона вирус кој однесе над 17 животи.

Кинеските власти го известиле СЗО на 31 декември за појавата на досега непознатата пневмонија во централниот град Вухан, со население од 11 милиони луѓе. На 7 јануари кинеските експерти ја идентификуваа причината за заболувањето – коронавирус 2019-nCoV.

Вчера Глобалниот сојуз за вакцини и имунизација (ГАВИ) објави дека развојот на вакцината против новиот тип на коронавирус ќе трае најмалку една година.

Вчера бројката на заболени од овој вирус беше 440 но за еден ден се покачи на 517, а смртоносниот вирус однесе 17 животи.