„По завршувањето на пандемијата на вирусот корона, ќе има дури 50 проценти помалку службени патувања отколку порано, додека процентот на оние кои работат од дома ќе се зголеми“, предвидува еден од најбогатите луѓе во светот, Бил Гејтс.

Тој за Бизнис инсајдер изјави дека по пандемијата, ќе има 30 проценти помалку канцелариска работа.

Основачот на „Мајкрософт“ смета дека компаниите ќе го подигнат прагот за деловно патување по здравствената криза и дека ќе бидат одржани приватни состаноци доколку тие навистина бидат итни.

Минатиот месец Мајкрософт објави дека ќе откаже половина од своите деловни летови по пандемијата и дека вработените во таа компанија многу поретко доаѓаат на работа, а ќе работат почесто од дома.

Воведување на сличен хибриден модел веќе објавија и други технолошки компании како Твитер и Фејсбук.