Мерните станици покажуваат и до десет пати поголема концентрација на штетните честички во воздухот.Активисти од градот бараат начин како да се заштитат пред да бидe предоцна.

Во изминатиот период мерните единици покажуваат енормно загадување и присуство на ПМ 10 честичките. Со 600 микрограми на метар кубен Битола доцна синоќа повторно беше еден од најзагадените во земјава. Битолчани сами обезбедиле мерна станица бидејќи не се задоволни од локалните власти, со цел како што велат, да го лоцираат вистинското загадување. Апаратот го поставиле на Широк Сокак, а резултатите од првиот ден велат дека биле поразителни.

 Проблем за нив е и тоа што со години не се наоѓа решение за аерозагадувањето, за кое велат дека од година во година се зголемува.
Статистиката од Институтот за јавно здравје на Република Македонија покажува дека во битолскиот здравствен регион повеќе од 200 лица годишно ја губат битката со ракот. 

Како што пренесуваат од здружението проблемот со мерните станици во Битола е тоа што иако се квалитетни, резултатите од нив пристигнуваат предоцна за да имаат некаков ефект.