Македонскиот претседател Стево Пендаровски денеска замина во дводневна официјална посета на Белград, за време на која ќе се состане со државниот врв на Србија.

На посетата Пендаровкси со високи почести беше пречекан од претседателот на Србија, Александарв Вучиќ, кој го пречека пред Палатата Србија.

Претседателот Стево Пендаровски на прес конференцијата за медиумите посочи дека влегувањето во ЕУ ќе биде долг процес.

-Залагањето на Макрон е да се усвои нова методологија за членство во јануари 2020-та година, а не подоцна од март, но не ми даде гаранции за отворање на преговорите. Новата методологија децидно кажува дека не се предвидува никаква замена на членството со некоја алтернатива за земјите од Западен Балкан. Тоа беше главната тема на разговорите со Макрон.

По свечениот пречек предвидено е двајцата функционери да имаат тет-а-тет разговор.

По пленарните разговори на делегациите на Србија и Македонија, која ќе ја предводат претседателите на двете земји, Вучиќ и Пендаровски ќе дадат изјави за медиумите, се наведува од Службата за соработка со медиумите.

По средбата со Вучиќ најавено е Пендаровски да замине на средба со премиерката на Србија Ана Брнабиќ, како и со претседателот на Народното собрание Маја Гојковиќ.

Со претседателот на државата Пендаровкси во Белград заминаа и македонски стопанственици, а претседателот на Македонија ќе учествува на трговскиот собир Македонија – Србија и ќе има средба со претседателот на Стопанската комора на Србија Марко Чадеж и српските стопанственици.