Специјалната обвинителка Фатиме Фетаи, за време на вчерашното гостување во Студио 1 зборуваше за промените во перцепцијата на јавноста во однос на СЈО по последните случувања со бегството на екс премиерот Никола Груевски, тоа што Орце Камчев беше виден на натпревар во Германија и ставот на Врховен суд за нивните случаи.

-Можеби најголем дефект е фактот што во однос на нашите случаи, се уште немаме во поголем дел правосилни и извршни пресуди. Но тоа не е околност која зависи од СЈО, тоа е констатирано и во извештајот на ОБСЕ како релевантна организација којашто не следи.

Како што вели, ставот на Врховен е незаконит и невалоризиран од другите судови, но влијае како вода, каде што ќе најде простор, таму ќе помине. За можната смена на Катица Јанева, како што бара ВМРО-ДПМНЕ, рече дека смени прво треба да се направат во некои други институции, како на пример Врховниот суд. 

Во однос на Катица Јанева, Фатиме Фетаи не очекува и не сака да биде сменета која како што изјави го понела најголемиот товар во овие изминати 4 години.

-Ако веќе правиме некакви смени, мислам дека треба да се почне со смени во некои други институции, како на пример Врховниот суд, кој во неколку извештаи е наведен како кочничар на правдата. Не може СЈО да направи толку добро за владеење на правото, колку што лошо може да направи претседателот на Врховниот суд, рече Фетаи.

Целиот разговор можете да го погледнете во видеото.