Вистински хаос владее во Еквадор откако стотици луѓе беа уапсени за време на протестите поради покачување на цената на горивото во главниот град на Еквадор.

Претседателот Ленин Морено реши да ја повлече владата од Кито во крајбрежниот град Гвајакил и изјави дека нема да се откаже од зголемувањето на цената на горивото. Тој ги обвини своите противници за обид за пуч, пренесе Би-би-си.

На протестите им претходеа блокирани патишта од страна на демонстрантите, предводени од домородните жители.

Во своето телевизиско обраќање, претседателот Морено истакна дека нема да толерира нереди ниту ќе се откаже од укинувањето на субвенциите за гориво и го обвини неговиот претходник Рафаел Кору и венецуелскиот претседател Николас Мадуро дека стојат зад „планот за дестабилизација“.

Еквадорскиот министер за енергетика објави дека активностите на три нафтени полиња во регионот на Амазон се прекинати поради напади на неидентификувани групи, со што производство е намалено за 12 проценти.

Инаку Еквадор е демократска република во Јужна Америка. Еквадор се граничи со Колумбија на север, Перу на исток и југ и со Тихиот Океан на запад. Таа е една од двете држави во Јужна Америка што не се граничи со Бразил, другата е Чиле. Во рамките на Еквадор се вклучени и Галапагоските Острови, околу 965 км западно од територијата на Еквадор. Државата лежи на екваторот, од каде и е добиено името. Еквадор има површина од 256.371 км2 со главен град Кито, а најголем град Гвајакил.