По седницата на Советот за национална безбедност, претседателот на Србија, Александар Вучиќ, покажа фотографии кои докажуваат злосторства за кои е осомничена криминална група предводена од Вељко Беливук, наречен Веља Неволја.
Вучиќ претходно истакна дека истрагата е проширена и за четвртото убиство и дека се собираат докази за „петтото, шестото и седмото убиство“, а потоа беа покажани фотографии на кои се гледаат телата на убиените, за чии ликвидации се сомничи групата на Беливук.
На првите слики беше прикажано оружје а особено снајперската пушка, а потоа беа прикажани ужасни фотографии од осакатени тела, тела без глави и слика на отсечена глава!
Според српските медиуми деталите од убиствата се толку монструозни, како да ги извршувале по примерот на касапите од Исламската држава.
Не донесовме одлука да објавиме снимки од извршувањето на убиствата. Имаме слики и снимки каде што лицата се препознаваат и тоа го сокривме. Ќе видите две лица ликвидирани на брутален и монструозен начин, рече тој пред да ги покаже фотографиите.
Зборувајќи за аферата со прислушувањето, претседателот на Србија рече:
Беа документирани 1272 разговори, и кој знае уште колку ги имаше. За мене е важно и горд сум што немаше ништо криминално во ниту еден од тие разговори.
Ме прислушуваа дури и кога бев во опозиција. Те лажат дека разговарав со криминалци. Еден од „криминалците“ со кој зборувам е Вулин, еден беше Весиќ “.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.