По објавувањето на информацијата дека директорката на Клиниката за кожни болести е заразена со корона вирусот, министерот за здравство, Венко Филипче повторно ќе има вонредно обраќање пред јавноста.

Прес-конференција на министерот Венко Филипче е закажана со почеток во 16.30 часот.

Во претпладневните часови Министерот изрази огромно разочарување во контекст на непочитување на препораките и апелите за задолжителната автоизолација после секое патување во ризичните региони. Тој потврди дека лекарка пред една седмица допатувала од Италија и е заразена со коронавирус.

„Дијагностициран е уште еден случај на пациентка позитивна на коронавирус. Нејзината состојба е стабилна со лесна клиничка форма, исто како и состојбата на двајцата сопружници претходно хоспитализирани.

Добро е што колешката немала ден во амбуланта па немала директен контакт со пациенти, кои што доаѓале однадвор во изминатава недела. Од епидемиолошката анкета таа досега ги навела и сите други контакти вклучително и членовите на нејзиното семејство, пријатели, и за сите нив согласно разговорите со епидемиолозите ќе се донесе соодветна одлука за начинот на изолација, рече Министерот.