Планинар од Македонија го загуби животот на планината Олимп во Грција, откако паднал во провалија, веројатно затоа што претходно му се слошило.
Според информациите на дописничката на МИА од Атина, станува збор за група од околу девет лица од нашата земја, кои планинареле на Олимп, на мажот или му се слошило или добил срцев удар по што паднал во провалија, а обдукцијата дополнително ќе ги утврди точните причини за смртта.
Телото од провалијата, најверојатно го извлекле планинарите кои биле заедно со него.
Во пренесувањето на телото од местото на несреќата во планинарскиот дом „Спилиос Агапитос“, што се наоѓа на надморска височина од 2.100 метри интервенирале 14 пожарникари припадници и на специјалната спасувачка единица и на противпожарната служба од Литохоро.
Олимп е планина што се наоѓа во Грција помеѓу Егејска Македонија и Тесалија, лоцирана неколку километри западно од Солунскиот залив.
Таа е највисоката планина во Грција (2917 м), во етничка Македонија и втора на Балканскиот полуостров по Рила (2925 м).
Често се нарекува и Дом на боговите. Уште од најстаро време Олимп бил граница меѓу Македонците и Грците. Планината има доста посетители. Во зимскиот период, температурата се движи од -17 до -5 °C, а лете од -2 до 3 °C. По падините на планината е развиено и сточарството.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.