Од утре во Србија ќе се активира апликација, преку која сите граѓани кои биле тестирани за вирусот корона, ќе можат да ги проверат резултатите од тој тест, објави денеска членот на Кризниот штаб, д-р Зоран Гојковиќ.

Гојковиќ на прес-конференцијата истакна дека на тој начин ќе се забрза добивањето резултати од тестот.

На прашањето на новинарите зошто некои граѓани чекале до десет дена за резултатите од тестовите што биле направени на 6, 7 и 8 јули, Гојковиќ објасни дека заради прекумерниот број тестирани лица, системот беше во застој во еден момент.

Нови единаесет починати и 396 заразени со коронавирусот е епидемиолошкиот биланс за последните 24 часа во Србија, објави во неделата кризниот штаб на владата.

Од вкупно 4.735 хоспитализирани пациенти, 187 се со потешка клиничка слика и се на респоратори.

Од почетокот на епидемијата во Србија во март, регистрирани се вкупно 20.894 заборели и 472 починати од Covid-19.