Во гостување во ТВ24 д-р Вело Марковски, и еден од најистакнатите инфектолзи во земјава, истакна дека се надева на тоа сите да стекнеме колективен имунитет.
Не можеме да се чуваме од инфекции, треба да се навикнеме да живееме со нив. Секој од нас во себе носи барем по неколку вируси и голем број бактерии. Според мене, треба полека епидемиолозите и комисијата да размислат да ги олабават овие мерки за луѓето да се навикнат дека со оваа болест ќе живееме, сега таа ги напаѓа луѓето со намален имунитет. Да не бидеме заложници на овој вирус, треба да живееме нормално и да го прифатиме овој вирус. Да ги оставиме лекарите да се занимаваат со оваа болест и тие да се навикнат и да бидат спремни кога ќе дојде оваа болест – порачува Марковски.
Доктор Марковски вели дека нема потреба од носење ракавици но стои на ставот дека маски треба да се носат дури и во случај кога нема пандемија, оној кој не се чувствува добро треба да носи маска за да не го зарази другиот.
– Ракавиците, кого штитат и зошто штитат? Овие респиратни вируси не даваат проливи, не требаше да дојде корона за да миеме раце. Миењето раце е доволно после излегувањето надвор. Ракавици не треба да се носат, зашто од многу миење раце може да се уништи нормалната флора па да можете да имате бактериски инфекции. Маските треба да се носат. Тоа треба да се практикува и кога немаме вакви ситуации. Ако некој не се чувствува добро треба да носи маска, така ги штити другите.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.