Сите вработени во администрацијата, освен докторите, во следните два месеци (април и мај) ќе добиваат само 14.500 денари плата, односно, плата во висина на минимално утврдениот надоместок, информираше вчера Зоран Заев од партиското седиште на СДСМ.

И додека граѓаните коваат планови како ќе се справат со овие минимални примања во услови на вонредна состојба, семејството Заеви на социјалните мрежи ликува со своето богатство, пишува Инфомакс.

На социјалните мрежи, поточно на Инстаграм, веќе се шири фотографија која ја објавила Ева Заева од нејзиниот нов автомобил – „Волксваген Битл“ кабриолет.

Основна цена на овој модел автомобил чини над 30.000 евра.

Колку за споредба, екс-премиерот на Италија Силвио Берлускони кој важи за еден од најбогатите луѓе во земјата, за справување со епидемијата од коронавирусот донираше 10 милиони евра. 

Најбогатото семејство во Македонија, Заеви, им ја скратија платата на административците и си купија кабриолет.

Внуката на лидерот на СДСМ, Зоран Заев, 18-годишната Ева Заева постојано истакнува дека во себе носи огромен моден потенцијал.

Таа веќе се остварува во улогата на моден дизајнер, а зад секоја објавена фотографија на социјалните мрежи добива низа позитивни коментари од оние кои ја поддржуваат во она што го работи, но и од оние кои се восхитуваат на нејзината убавина.

Магазин се оградува од содржината на објавениот материјал. Како портал го пренесуваме материјалот за информирање претходно објавен јавен интерес.

*Напомена: Магазин не одговара во однос на вистинитоста на материјалот, нема информација за времето кога тој е снимен, ниту содржината.