Две трагедии вчера ја потресоа Македонија, двајца млади животи згаснаа. Како што информираа од МВР, пронајден мртов 32-годишен маж во семејна куќа во Битола. Според информациите на МВР, во 19,00 часот во СВР Битола било пријавено дека во куќа на улица„Матија Губец“ Н.С. го пронашол починат С.Ѓ.(32),без траги на насилство.

Од екипа на итна медицинска помош констатирана е смрт, а по наредба на јавен обвинител телото е дадено на обдукција.

Иста ваква трагедија се случила во скопското село Стајковци, 35-годишен маж пронајден мртов во својот дом.

Како што информираат од МВР, вчера во 08,36 часот во СВР Скопје било пријавено дека во с.Стајковци,скопско, бил пронајден починат без траги на насилство Д.М.(35) од с.Стајковци, кој бил со нарушено здравје.

По наредба на јавен обвинител, телото е дадено на обдукција.