На вонредното Собрание на Македонската асоцијација на новинари МАН, кое се одржа денеска во хотелот Александар Палас, со апсолутно мнозинство беше прифатена оставката на досегашната претседателка Слаѓана Димишкова, а со еден глас против беше прифатена и оставката на досегашниот генерален секретар Драган Павловиќ Латас.
Со апсолутно мнозинство, присутните членови на МАН за нов претседател ја изгласаа Ивона Талевска, уредник во Сител, а за генерален секретар е избран Александар Михаилов, уредник во редакцијата Весник.
Членовите на Собранието ги разрешија досегашните потпретседатели и за нови се избрани Ѓорѓи Какашевски од Клип Медиа Груп Македонија и Цветин Чилиманов од МИА.
Членовите на Собранието ја усвоија и програмата за работа предложена од претседателот Ивона Талевска, која опфаќа:
– учество во носењето на законите од медиумската сфера,
– создавање единствен регистар на новинари при Агенцијата за медиуми,
– усвојување на кодексот за саморегулација на ИАБ Македонија и продлабочена соработка со самата организација,
– законска регулација на дигиталните медиуми,
– измени во Законот за аудиовизуелни услуги во делот за МРТВ,
– преговори со ЗНМ за прашања од заеднички интерес и друго.
На Собранието на МАН, членовите дискутираа и како да се надминат проблемите во самите редакции, нивната правна и социјална сигурност, осигурување на терен, бенефициран стаж за вработените во медиумите, обезбедување мнаџерски договори, соработка со државните иституции и приватните компании и друго.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.