Пратеникот на ВМРО-ДПМНЕ, Антонио Милошоски денеска од седиштето на својата партија објави аудио-снимка за како што тој тврди, екс-премиерот Зоран Заев. Како што додаде Милошоски, Заев не само што бил премиер, туку бил врховен судија и специјален обвинител.

По објавената снимка од страна на Антонио Милошоски на денешната прес конференција, Богдан Илиевски на социјалните мрежи напиша:

„Пред јавност се ужасуваше од неправди, маршираше за правда и обвинуваше дека друг контролирал суд. Позади завеси нарачувал обвиненија и пресуди и наредувал на судии и обвинители. Монструозно.
Прашањето (кое во суштина е реторичко) е дали треба итно да поднесе оставка од претседателската позиција во партијата, или чесните во СДСМ сепак не се срамат од ваков човек?“, напиша Илиевски.

Заев договарал одлуки со врховниот суд, бил во тесна врска со Катица Јанева. Таа не можела без него да одлучува самоволно. Јанева и Заев биле во тесна координација за случајот Рекет, ова го изјави на денешната прес конференција пратеникот на ВМРО ДПМНЕ, Антонио Милошоски.

Според него, по ваков материјал Заев треба да биде приведен или викнат на распит.
„Заев и Јанева биле во содејство на блиски соработници за секоја нејзина одлука. Тој бил и Врховен судија и специјален обвинител“, тврди пратеникот.