На вчерашното рочиште за случајот „Рекет“ сведочеше и бизнисменот Јордан Камчев, тој четири часа сведочеше против Бојан Јованвски познат како Боки 13 и екс специјалната обвинителка Катица Јанева. Интересни детали можеа да се слушнат на вчерашното рочиште, Камчев изјави дека е жртва и правдата ќе ја истера до крај, да сакал да рекетрира уште одамна ќе поткупел судии и ќе немало да има никаков процес против него.

Тој посочи дека Катица Јанева и Боки 13 го рекетирале ама и дека не биле единствените во тоа. Камчев дека на обвинителната клупа треба да биде и обвинителката Лиле Стефанова како и братот адвокат на судијата Весна Димишкова за кого рече дека прв му побарал рекет од 100 илајди евра за да добие поблаги мерки за случајот Империја.

– Не можам да ја обвинам Катица Јанева дека ми нудела спогодба кога не ми нудела, ми нудеше Бојан Јовановски а јас ја слушав Катица Јанева како што реков таа со него разговарала на телефон за работа што е невозможно да се изведе. Јас сум свесен, паметен човек, сфатив дека е игра помеѓу двајцата, но во обвинителство таа не ми нудеше лично, рече сведокот Орце Камчев.

Камчев по завршувањето на судењето даде изјава на новинарите и таму се појасни дека предметото на СЈО Империја е конструиран за да биде мета на Рекет.

-Сам сум слушал како таа (Катица Јанева, н.з.) давала наредби на Лиле Стефанова кои биле противзаконски. Зошто Лиле Стефанова не ја пријавила Катица Јанева кај Љубомир Јовески и зошто не го почитувала Законот за обвинителство? Ајде објаснете ми, доколку тие наредби на Катица Јанева биле противзаконски и ја присилувала Лиле Стефанова да го прави тоа што го правеше, зошто таа не ја пријавила до надлежниот обвинител дека имала притисок од Катица Јанева, рече Камчев и најави тужба против Лиле Стефанова.

Исто така тој нагласи дека е жртва која се бори за правда во земјата.

– Јас сум жртва, со целиот процес, со целата изнуда која се правеше од оваа злосторничка група од Бојан Јовановски и Катица Јанева и другите, што ќе се докаже во подоцнежните процеси. Не само јас и други биле жртви, но јас се одважив да го кажам тоа јавно“, рече Камчев по рочиштето, додавајќи дека многу други функционери и директори биле жртви на Јовановски.

-Нема вмешано ниту еден политичар во мојот случај и не сум имал притисок од никој“, тврдеше бизнисменот.

Камчев сам ги направил снимките од предавањето на парите и телефонските разговори со Јовановски и Јанева, но не знае како тие завршиле во јавноста. Вели дека изворот треба да се бара „во кругот меѓу судот и обвинителството.

-Ова што го изјавувам е 100 посто вистина. Никого не заштитувам. Пробав да се изборам за правда во оваа држава. Тоа ми беше мисијата.

-Направив голема заслуга за оваа држава, еднаш засекогаш да се исчисти ова зло што постои. Да не ги етикетираме сите судии и обвинители, побара Камчев во изјавата пред новинарите по сведочењето.

Судењето за Рекет продолжува идната недела кога ќе сведочи сопругата на Камчев.