Како што информираше МВР, денеска полицијата го уапсила О.А.(29) од Скопје, осомничен дека со „калашников“ уби момче, пред две години во населбата Чаир.

Ова тешко убиство се случи околу 17.40 часот на автобуската станица кај училиштето „Цветан Димов“. во 2017 година.

Убиецот се наоѓал во автомобил „југо“ и од движење со автоматска пушка го застрелал  несреќното момче со десетина куршуми. О.А се бараше од страна на полицијата, за извршено тешко кривично дело „убиство“ извршено пред две години.

Денеска (9.6.2019) на локалниот пат Зелениково-Моране полициски службеници од СВР Скопје го приведоа О.А. од Скопје, кој се бараше за извршено кривично дело „убиство“ извршено на 20.12.2017 година. Тогаш на улицата Џон Кенеди пред угостителски објект беше убиен Бурим Идризи(24) од Скопје, велат од МВР.

Србија е лидер во убиства во регионот во минатата 2018 година – објави српската телевизија Н1, а според анализите на телевизијата, на второ место е Македонија со 15.
Според новинарката Јелена Зориќ која ја направи анализата, податоците се базираат на информации од медиумите, бидејќи македонската полиција не им дала официјални податоци.