Комисијата за заразни болести ги демантира информациите кои се пласирани денеска во одредени медиуми дека на утринскиот состанок е донесена одлука за целосно олабавување на мерките, заради тоа што тие не биле почитувани од граѓаните, соопшти Министерството за здравство.
Сите досегашни мерки и предлози до Владата, велат оттаму, Комисијата за заразни болести ги носи врз основа на темелни анализи на состојбата со епидемијата во земјата.
– Денеска на прес-конференција, ставот на Комисијата детално ќе го образложи д-р Жарко Караџовски, претстедател на Комисијата за заразни болести, посочуваат во соопштението.
Утринава во медиумите беше објавена веста дека од утре ќе започнат да работат кафулињата и кафеаните, а и повторно отворање на границите се очекува од 1 јуни во договор со соедните држави, како и за укинување на полицискиот час со оглед на тоа што не се почитува.
Денеска е закажана владина седница на која ќе се разговара за евентуално намалување на полицискиот час, оваа недела завршува и вонредната состојба, но нема никаква најава за нова, а од утре се отвораат и кафулињата и кафеаните иако бројот на заболени не се намалува….
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.