Портпаролот на СДСМ Костадин Костадинов изрази голема благодарност што повторно се најде на пратеничката листа во четвртата изборна единица, која ќе ја предводи партискиот лидер Зоран Заев.

Како човек кој нема ниту еден изборен пораз, на било кои избори, ве уверувам дека заедно со сите вас, со моите струмичани, но и со граѓаните од цела изборна единица 4 ќе го поразиме ДПМНЕ толку силно што лавот од логото ќе им избега.

Бидете спремни за многу работа, многу терен, многу денови и ноќи, но со сигурност за доброто на државата, за доброто на граѓаните. До конечна победа. Можеме подобро, можеме повеќе!, порача Костадинов.

Лидерот Заев ги пред два дена ги качуваше на сцена сите носители во изборните единици .

Имено, во „кецот“ носители на листата се Никола Димитров и Мила Царвоска, во двојката одат техничкиот премиер Оливер Спасовски и Соња Лукаревска.

Третата изборна единица им припадна на партискиот генерален секретар Љупчо Николовски и Јагода Шахпаска додека четвроката ја предводи самиот Заев заедно со Соња Мираковска.

Петката им отпадна Шекеринска – Митревски додека во шеската ќе трчаат Билал Касами и Фаница Николовска.

За Заев овие личности ќе и ја донесат големата победа на СДСМ на 12 април, додавајќи дека со ваква понуда нема дилема дека тие ќе бидат победници на изборите.