Во вчерашното гостување во емисијата Заспиј ако можеш на телевизија Алфа, бизнисменот и сопственик на Еуростандард банка Трифун Костовски, вели дека стечајот на банката е политички, и е убеден дека подолг временски период е кроан план за затворање на банката.

Убеден сум дека тоа е план кроен многу одамна, и сега дојде време на финализација. Само наивен човек може да верува дека Македонски пошти како потенцијал се за верување. Имаат 330 експозитури, тоа се најмногу експозитури во Република Македонија и сега видете што се случува, со еден удар се убиваат две муви. Македонски пошти се ставени на колена, ќе има отпуштања на вработени, вели Костовски.

Костовски, во емисијата посочи дека се е политичка игра на Власта, и истакна дека според негови сознанија Македонска Пошта ќе се приватизира, и со неа како пто вели сега ќе владее СДСМ.

Веќе има и најава, размена на територии условно кажано. Ако ДУИ до сега ја владееше македонска пошта, сега ќе биде СДСМ. Видете вака тоа само на мало дете може да му изгледа наивно. Ни најмалку не е наивно, со еден удар две муви убија, Банката ја уништија, македонски пошти ќе ги симнат на колена, ќе има отпуштања, ќе ја купи некој за евтини пари.

Костовски, додаде дека банката има доволно капитал да ги подмири сите оштети, но само доколку стечајот заврши во максимално брз временски период.

Банката има доволно и капитал во готовина и хипотеки и некретнини кои што ќе ги подмират сите оштетени на банката. Ама тоа мора да биде под услов доколку целиот стечај се заврши максимално брзо, посочи тој.