Велика Британија е погодена од невремето “Денис”, придружено со силен ветер и обилни врнежи од дожд, што доведе до повеќе од 300 предупредувања за поплави низ целата земја, а е особено критично во јужниот Велс.

Лизгање на земјиштето е на повеќе места во јужниот дел на Велс, има заробени жители, а водата започна да преплавува некои куќи.

Постојат четири предупредувања од највисоко ниво во Англија и две во Велс, што значи дека постои опасност по животот на жителите.

Во Херифордшир, Англија, беа поплавени и домови, а еден од жителите изјави дека невремето ги „погодило како торнадо“, пренесува Би-Би-Си.

Властите претходно ги предупредуваа граѓаните да се заштитат од „поплави опасни по живот“ во Велс и Шкотска. Локалните медиуми јавуваат дека реката Таф во велшкиот град Понтипол се излева од коритото и се заканува на реката Нит во јужен Велс.

Според АП, селото Абердорон било погодено од ветрови со сила од ураган што достигна брзина од 146 километри на час.

Со силен ветер, стотици летови беа откажани и поплавувањето го наруши железничкиот сообраќај.
Според најновите информации, најмалку две лица починале во Велика Британија, при што десетици илјади се соочуваат со хаосот предизвикан од невремето Денис.