Корисниците на социјалната мрежа Фејсбук, се револтирани откако компанијата објави дека настанала грешка во нивната социјална мрежа, која предизвика лозинките на стотици милиони корисници да бидат видливи за вработените во компанијата но проблемот сега е решен.

Ова се случило во јануари, откако се вршел безбедносен преглед. Тогаш вработените од компанијата додека вршеле преглед на социјалната мрежа, забележале дека лозинките се зачувани во читлив формат во однос на безбедносните процедури, но за среќа никогаш не биле видливи надвор од компанијата, пренесе Блумберг.
Повеќето засегнати профили користеле Фејсбук лајт верзија на апликацијата дизајнирана за пазари во развој.

Компанијата соопшти дека не пронашла докази дека тој пристап бил злоупотребен.

Инаку Фејсбук го доби своето име по документот „фејсбукс“ кој ги опишува членовите на универзитетската заедница, кој некои американски колеџи и подготвителни училишта го давале на новодојдените студенти, факултети и вработени како начин да се запознаат останатите луѓе на универзитетот.

Мрежата ја основал Марк Закерберг, заедно со Дастин Москович, Крис Хјус и Едуардо Саверин, додека бил студент на универзитетот Харвард.