Причината зошто Алексис Ципрас ја спомена Мирка Гинова во неговиот 70-минутен говор во грлкиот парламент е всушност ставовите на грчката комунистичка Партија за време на граѓанската војна во Грција. Токму Мирка Гинова ги претставува страдањата но и надежите на Македонците од Егејска Македонија. 

-Не сакам да се осврнам ниту на славомакедонскиот Буквар што комунистите го делеа во Ташкент на децата на славомакедонските борци на Демократската армија на Грција. Не сакам да се осврнам на 70.000 бегалци од Граѓанската војна кои грчката држава ги лиши од правото во 1983 да се вратат во нивната татковина. Ниту ќе се осврнам како на Славомакедонката Ирини Гини-Мирка Гинова, првата жена егзекутирана во Граѓанската војна, комунистка. Со овие грижи на совест што ги имате, да си се справите сами. Ќе говорам политички, нема да се осврнам на историјата на Комунистичката партија на Грција, порача Ципрас.

Миновски вели дека Ципрас сака да им каже дека и други десничарски влади тоа истото го признале, па дури имале и конкретни обврски како што е издавањето на Абецедарот во 1925 година во Грција.

– Со тоа што Комунистичката партија е категорично против оваа спогодба , и ако е тоа така тие радикално отстапуваат од она што било нивна позиција кога се бореле за признавале македонското прашање и македонскиот народ . Мирка Гинова е репрезентативен пример и го изразува односот на Комунистичката партија кон македонското прашање, вели историчарот Михајло Миновски.

Грчкиот премиер, во неговиот 70минутен говор на расправата за ратификацијата на Договорот од Преспа упати остри критики и до останатите грчки партии кои што се против Договорот.