Македонските судии Ѓорѓи Начевски и Славе Николов ја добија честа да го судат финалето на ракометното Европското првенство (ЕП) в недела од 16.30 часот, објави Спорт

ЕХФ уште еднаш ги награди Начевски и Николов за квалитетното судење во досегашните натпревари и поради тоа тие се една од најдобрите судиски двојки во Европа.

Најдобрите македонски судии досега имаат судено едно финале, но тоа беше на Светско првенство за младинци, па ова ќе им биде прво финале во сениорска конкуренција.

Исто така, сигурно Начевски и Николов ќе добијат место и за Олимписките игри во Токио, каде што ќе ја делат правдата на натпреварите.

Инаку на Европското првенство  во ракомет денеска затишје пред утрешната пресметка во полуфиналните дуели во кои пласман обезбедија селекциите на Норвешка, Шпанија, Хрватска и Словенија.

Последното коло во втората фаза не донесе поголеми возбудувања за што пред се се погрижи селекцијата на Португалија која ја изненади Унгарија си со победа и овозможи на Словенија безгрижно да го одигра натпреварот со Норвешка и со пораз да се пласира меѓу четирите најдобри селекции на стариот континент.