Во текот на изминатото деноноќие (19/20.06.2020 година) на територијата на Република Македонија на 366 лица им се издадени решенија за изолација, а 261 лице потпишало изјава за самоизолација.

Од страна на полициски службеници извршени се контроли кај лица во изолација и самоизолација, при што е утврдено дека едно лице не ја почитувало мерката за изолација, а три лица не ја почитувале мерката за самоизолација.

Исто така по однос на мерката за неносење лична  заштита на лице регистрирани се  659  прекршоци!

Жител на Кочани на возраст од 54 години и уште еден дваесет и двегодишен штипјанец вчера биле спроведени во објекти за државен карантин бидејќи не ги почитувале мерките, односно не седеле во домашна изолација во траење од 14 дена.

-Вчера од страна на полициски службеници од Полициската станица Кочани, поради непочитување на мерките на Владата за превенција и заштита од прогласената пандемија на корона вирус (здравствен надзор и домашна изолација во траење од 14 дена) извршен е спровод на С.А.(54) од Кочани и О.У.(22) од Штип до Скопје во објект за државен карантин, соопштуваат од МВР.