Миле Јанакиески итно е однесен на преглед во болницата 8 – ми Септември.

Поранешниот министер за Транспорт и врски Миле Јанакиески, веќе деветти ден штрајкува со глад во истражното одделение во „Шутка“ каде што се наоѓа во притвор.

Неофицијално поранешниот министер се пожалил на болки во стомакот, гадење и лошење и затоа затворската полиција од затворот Шутка го однесла на прегледи, пишува алсат.

-Јанакиески е многу физички пропаднат, има изгубено боја на лицето и многу тешко комуницира, сведочи за „Лидер“, лице кое го видело. Јанакиески.

Како што пишува порталот, од истражното оделение „Шутка“ одбиваат да го коментираат штрајкот на Јанакиески и не даваат информации за неговата физичка состојба.

Пред два дена сопругата на Миле, Сања се огласи на Фејсбук каде напиша емотивен статус.
Таа кажа дека против него се води психолошка војна.

Денеска Јанакиески беше спроведен на судењето за случајот “Талир”. Тој е во притвор поради продажбата на државно земјиште на фирми кои потоа не ги изградиле предвидените хотели. 

Бил претседател на асоцијацијата за водовод, канализација и пречистување на урбани отпадни води. Јанакиески бил шеф на кабинет на претседателот на ВМРО-ДПМНЕ од октомври 2004 до август 2005 година, а потоа бил и член на централниот комитет на партијата.

На 13 мај 2015 година поднел неотповиклива оставка од функцијата министер за транспорт.