Мицкоски и Села денеска на средба во Собранието се договориле за меѓусебна поддршка на 31 октомври таму каде што имаат нивни кандидати, потврдија од двете партии. Од Алијанса за Албанците додаваат и дека коалицијата со Алтернатива им е стабилна и заедно работата да создадат ново парламентрано мнозинство. За нив актуелната влада нема легитимитет да ја води државата.

Арбен Таравари во Гостивар ќе оди во втор круг со поддршка на ВМРО-ДПМНЕ, а од друга страна тој вчера најави можност дека Алијанса ќе го поддржи кандидатот на ВМРО-ДПМНЕ Александар Јовановски во Кичево, со образложение дека треба да се гласа за секој кој не е од ДУИ.

На поддршката од Алијанса за Албанците се надеваат и од Беса во битката за Тетово, кој важи за бастион во албанскиот политички блок. Иако од Алијанса и Алтернатива засега немаат единствен став, не е исклучена можноста партијата на Села да го поддржи лидерот на БЕСА, Касами за Тетово во трката Против Арифи од ДУИ, вели за Канал 5 потпретседателот на партијата Кастриот Реџепи. Очекуваат и СДСМ да го поддржи Касами за Тетово.

Во меѓувреме и од Алтернатива на Африм Гаши ја отфрлија опцијата за влез во владејачкото мнозинство, откако министерот за земјоделство и генерален секретар на БЕСА, Аријанит Хоџа изјави дека нема ништо против оваа опозициска партија да стане дел од власта.