Во Казахстан 14-годишно девојче починало откако го оставила смарт телефонот приклучен на струја преку ноќ да се полни, над својот кревет.

Се верува дека девојчето починало од струен удар. Познато е дека трагедијата се случил ноќта на 28 септември.

Што се однесува до марката на паметниот телефон, за тоа не постојат информации.

Смртта на девојчето ја пријавиле родителите, кои ја откриле мртва во креветот.

Руските медиуми потсетуваат сите да бидат внимателни – не се препорачува полнење на телефон близу креветот.

Се тврди дека тоа може да доведе до трагедија.

Еве уште неколку работи кои треба да ги знаете кога го оставате телефонот да се полни.

Сите батерии имаат ограничен рок на траење, па така и батериите во паметните телефони. Сепак, постојат начини за да го извлечете максимумот од нив.

За да го извлечете максимумот од батеријата на вашиот телефон и да избегнете предвремено менување на батеријата и дополнителни трошоци, избегнувајте да ги правите овие работи додека се полни телефонот.

Други полначи – Најпрвин, избегнувајте да користите други полначи освен оригиналниот кој што сте го добиле во оригиналното пакување. Доколку често користите други полначи, голема е веројатноста да го намалите животниот век на батеријата и капацитетот – тоа посебно се случува кога се користат евтините полначи.

Заштитна маска – Кога се полни вашиот телефон, отстранете ја заштитната маска. Маските најчесто го блокираат одводот на топлина, поради што додека се полни, телефонот непотребно започнува да се загрева. А, топлината е бавна смрт за батериите.

Не преку ноќ – Нема никаква поента да го оставите вашиот телефон на полнач во текот на целата ноќ. Константното полнење (и кратко празнење, па полнење) го намалува капацитетот и животниот век на батеријата.

Полнење и празнење – Животниот век на батеријата е ограничен, меѓу другото и со циклусите на полнењето и празнењето. Секогаш кога до крај ќе ја испразните и наполните батеријата, сте потрошиле еден циклус. Поради тоа, настојувајте да ја полните батеријата барем до 80% или 90% и не настојувајте батеријата да се празни често под 10% до 20%.