Најмалку 20 луѓе загинаа, а 100 се повредени во двоен самоубиствен бомбашки напад врз спортски клуб во шиитски кварт во главниот град на Авганистан, Кабул. 

На местото на инцидентот откако пристигнале брза помош, полицајци и новинари одекнала уште една експлозија.

Меѓу загинатите има двајца новинари.

Се уште никоj не презеде одговорност за нападот врз боречкиот клуб.

За претходните напади врз шиити во Авганистан одговорноста ја преземаше авганистанскиот огранок на сунитската група Исламска држава. Во април бомбаш самоубиец активира експлозив врз новинари во Кабул, при што загинаа деветмина.