Вардар денес и зададе шок на Барселона победувајќи во полуфиналето, откако на полувремето губеше со седум разлика.

Тренерот на Барселона по вечерашниот пораз ги обвини судиите за поразот. Тој рече дека во второто полувреме судиите ги казниле, не успеале да се вратат и паднале психолошки.

„Кога на еден фајнл-фор играат најдобрите екипи, тогаш треба да ги имаме и најдобрите судиите. Во второто полувреме судиите не казнија. Не успеавме да се вратиме и паднавме психолошки, ни ги исклучуваа играчите, добивавме црвени картони. Додека некои други работи на спротивната страна не видоа. Тоа многу влијаеше“, изјави Пасквал, а потоа сепак и му честиташе на Вардар.

Ракометниот клуб Барселона е шпански ракометен клуб со седиште во Барселона, Каталонија, кој се натпреварува во АСОБАЛ Лигата. Поради спонзорство, моменталното официјално име на клубот е Барселона Ласса.

Ракометната секција на Фудбалскиот Клуб Барселона е основана на 29 ноември 1942, за време на претседателот Енрике Пињеиро.

Во раните години, натпреварувањата ги доминирале главно клубовите како Атлетико Мадрид и Гранољерс. Но ситуацијата драстично се променила со доаѓањето на еден од најдобрите ракометни тренери во историјата на ракометот, Валеро Ривера.

Со него, РК Барселона станала непобедлива во Шпанија и во европските купови, освојувајќи рекорден број на титули, дури 62 под неговото раководство, вклучувајќи и пет по ред европски купови.