АРМ замина во историјата, новото име на македонската армија е Армија на Република Северна Македонија.

Претседателот Пендаровски информираше вчера дека  ја потпишал одлука за преименување на војската.

Тоа значи, прецизира, дека е завршен и тој технички и правен аспект со што се отвора можноста во следните набавки да се употребуваат новите ознаки.

– Името на Армијата е Армија на Република Северна Македонија и тоа од вчера има правна основа односно е на правен начин уредено од моја страна, изјави претседателот Пендаровски при денешната посета заедно со началникот на Генералштабот Васко Ѓурчиновски на припадниците на Армијата на нашата јужна граница.

Со новото име автоматски треба да се сменат и униформите и да се набават нови со новото име.

Во однос на иницијативата за изменување на Изборниот законик Пендаровски рече дека тој нема надлежност да одлучува туку тоа е работа на политичките партии.