Во новиот ракетен напад во Ирак, целта била воената база Таџи лоцирана северно од Багдад, во која се сместени и американски трупи.

Најмалку една ракета била истрелана, јави АФП. Засега нема други детали.

Според извештаите на локалните медиуми, базата била застрелана со 5 ракети. Ситуацијата на Блискиот исток ескалираше по убиството на командантот на иранската елита „Кудс“, Касим Сулејмани, за време на нападот на американските сили на аеродромот во Багдад.

Ракетите кои на почетокот на јануари експлодираа во Багдад дошле на 100 метри до амбасадата на САД, пренесува агенцијата Ројтерс повикувајќи се на полициски извори. Ракетите, како што пренесува агенцијата, паднале во Зелената зона без да предизвикаат човечки жртви, но предизвикале пожар.

Експлозиите доаѓаат откако Иран лансираше дванаесет ракети кон ирачките бази во кои се сместени американските трупи.

Одговорноста за нападот на базите ја презеде иранската Револуционерна гарда од каде, наведоа дека нападите доаѓаат како одмазда за убиството на генералот Касим Сулејмани.