Мирјана Пајиќ и нејзините родители Нада и Бранислав Пајиќ, погребани се денеска на градските гробишта во Нови Сад.
Мирјана е погребана во бел ковчег и со бело цвеќе, а пред градските гробишта беа во приправност и екипите на итна помош. На последниот испраќај присуствуваа нејзините синови, кои беа сведоци на ова монструозно убиство.
Додека траеше погребот, постарото момче изгуби свест, па седна на клупата покрај гробот, додека го тешеше неговиот вујко и свештениците.
Убиецот е Горан Јанковиќ кој полицијата по два дена бегство успеа да го уапси, тој во полицијата ја раскажа причината за трикатното монструозно убиство.
Вишиот суд во Нови Сад му одреди притвор на Горан Јанковиќ, кој е осомничен за убиство на сопругата и нејзините родители. Притворот му го одредил судија поради опасност од бекство, влијание врз сведоци, повторување на делото и вознемирување на јавноста, соопшти обвинителството.
Убиецот бил претходно сослушан во Вишото јавно обвинителство во Нови Сад пред кое ја изнел својата одбрана во присуство на бранител по службена должност, кој му го одредил новосадскиот суд, бидејќи нема ангажирано адвокат.
Против Јанковиќ ќе биде спроведена истрага поради кривично дело тешко убиство, за кое му се заканува затворска казна до 40 години. Медиумите вчера пренесоа дека Јанковиќ го признал злосторството, наведувајќи дека бил изнервиран затоа што неговата сопруга на 11. мај го пријавила за насилство во семејството.
За потсетување, во стан во Нови Сад во петокот со прострелни рани во главата се пронајдени мртви таткото, мајката и ќерката – цело семејство.
Без знаци на живот полицијата го пронашла Бранислав Пајлиќ (57), неговата сопруга Нада Пајлиќ (57) и нивната ќерка Мирјана Јанковиќ (32).
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.