Потпретседателот на ДУИ Изет Меџити, кој повеќе години беше градоначалник на Чаир, е новиот претседател на огранокот на интегративците.

Изет Меџити доби поддршка од околу 60 членови на Изборното собрание на Демократската унија за интеграција во Чаир. На Изборното собрание присутен беше и претседателот на ДУИ Али Ахмети.

– Од понеделник ќе бидеме на терен, на состаноци со граѓаните за да ја создадеме новата програма на ДУИ за подобри услови за граѓаните – рече Меџити.

Меџити е член на политичката партија ДУИ. Тој е еден од четворицата потпретседатели на партијата, заедно со Теута Арифи, Невзат Бејта и Гзим Острени. Освен тоа, тој е член на Централното претседателство на партијата.
Првиот мандат го добил на изборите за локална самоуправа во 2005.

Еден од неговите позначајни потези е поставувањето споменик на „Скендер-бег“ на општинскиот плоштад.
За време на неговиот втор мандат донел одлука за преименување на четири основни училишта од општината, која е противзаконска.

Поради незаконитоста на одлуката на свидетелствата кои се издаваат во овие училишта стојат стари имиња на училиштата.

Тој бил вмешан во инцидентот од 2011 година кога беше урната црквата на Скопско кале, со што се заострија меѓуверските односи.