Партизан со многу мака стигна до триумф на отворањето на новата сезона во српскиот шампионат, триумфирајќи со 1-3 на гостувањето против Напредак Крушевац.
Тренерот Саво Милошевиќ најави атак на трофејот, но „црно-белите“ одиграа потпросечен натпревар во кој по првото полувреме се најдоа во негатива, со гол примен буквално во последната секунда.
Во игра на стартот од вториот дел влезе Лазар Марковиќ, а екс-фудбалерот на Ливерпул само 40 секунди подоцна постигна гол за израмнување, но и заработи повреда по судир со противничкиот голман по кој и двајцата мораа да бидат заменети.
Партизан се мачеше да го скрши отпорот на домаќините се до самиот финиш, кога Натхо од пенал успеа да погоди за 1-2, а младиот Чолиќ во 95. минута стави печат на победата.
Црвена Звезда на отворањето од новата сезона го пречекува тимот на Нови Пазар.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.