По пет дена лекување на КАРИЛ во Скопје вчера почина државниот правобранител за подрачје Велес, Борче Пинев.
Тој се здоби со тешки повреди од настан кој го евидентираше МВР:
„На 25.07.2020 околу 12.45 часот било пријавено дека пред зграда на ул.„Крсте Мисирков“ во Велес, Б.П.(46) од Велес се повредил при пад од дрво“.
Пинев кој беше дипломиран правник и кој претходно работеше како адвокат, на функцијата државен правобранител беше именуван пред осум години.
Пинев беше сопруг и татко на две ќерки.
Филипче утрово информираше дека во тек е трансплантација на бубрезите кај двајца пациенти кои со години биле на анализа и изрази благодарност до семејството на дарителот.
„Во моментов, во тек е првата трансплантација на бубрег кај 35 годишна девојка која веќе неколку години е на дијализа, по што ќе следи и втората трансплантација. За жал, овој пат немавме соодветен примател на срцето и тоа нема да биде трансплантирано. Се заблагодарувам на семејството на донорот, кое во моментите на најголема болка одлучи да ги донира органите и да спаси уште најмалку два животи“, напиша Филипче.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.