Професорот Владимир Трајковски е вистински пример како еден професор се грижи за своите студенти. Имено тој ги замолува своите студенти со симптоми на грип да не посетуваат настава под ниту една околност, а за тоа наведува дека лично ќе се погрижи да им ги оправда отсуствата. Во своето обраќање Трајковски исто така ги замолува студентите да не посетуваат јавни места каде што има голем број на луѓе, туку да се самоизолираат во своите домови и да чекаат да стивне ризикот. 

Наместо предавања на кои се предвидува престој во заедничка просторија и лични контакти, професорот ја разгледува можноста предавањата да ги организира со помош на современите техничко-технолошки средства за комуникација, пред се го предлага неговиот youtube канал. Професорот се обраќа со трогателна порака до своите студенти дека треба да разберат дека имаат еден живот и треба да го живеат и да не го ставаат под ризик и соствениот и туѓиот живот за ништо на светов. 

Еве што напиша Трајковски на својот фејсбук профил: 

 

АПЕЛ до сите мои студенти!
Најискрено Ве замолувам да ги откажете вашите присуства во кафетерии, ресторани, натпревари, концерти, претстави и други масовни собири. Во овој момент се чини дека самоизолацијата е најдобро средство за превенција. Не сакам да видам на настава ниту еден студент/ка што е настинат со ринитис, што кива, кашла или има температура. Искрено се надевам дека тие што ќе отсуствуваат навистина биле болни и јас лично ќе им ги оправдам отсуствата. Јакнењето на самосвеста за вирусот Covid-19 и самоизолацијата може да спаси многу животи. Ќе ја следиме ситуацијата и ќе видиме каков ќе биде ставот на СЗО и МЗ наредниот вторник. Доколку се укаже потреба стојам на располагање за предавање онлјан во живо преку мојот Јутхуб канал или на запад познато како distance learning.
Јас и Вие имаме по еден живот кој е вреден да го живееме!

Ваквата реакија е оправдана по вчерашниот потврден случај на корона вирус кај докторка и директорка на Клиника за Дерматологија. Тој случај значително ја намали довербата на луѓето кон институциите и очекувано е самоизолацијата и преземање на грижата за сопственото здравје да е најсилното оружје во борбата против смртоносниот вирус Ковид 19.