Шумски пожар избувна во евакуираната област во нуклеарната централа во Чернобил и доведе до зголемено ниво на зрачење, соопштија вчера украинските власти.

Пожарот се проширил на околу 100 хектари, рече првиот човек на украинскиот чувар на животна средина Фирсов.

Министерството за итни служби на Украина соопшти дека во центарот на пожарот се зголемени нивоата на зрачење и 130 пожарникари и два авиони го гаснат пожарот.

Пожарот избувна во таканаречената зона „2.600 квадратни километри“ околу централата во Чернобил.

Областа е евакуирана во 1986 година, кога, по експлозија на еден од четирите реактори, радиоактивни облаци покриваа поголем дел од Европа.
Оставени се 200 луѓе во ограниченото подрачје, и покрај налозите да ја напуштат областа.

Чернобилска несреќа е  најголемата несреќа во историјата на нуклеарните централи и до денес единствен случај на седми степен на нуклеарен настан според Меѓународната скала на нуклеарни настани.
На 26 април 1986 во 01:23:40 часот (22:23:40 по UTC) во нуклеарната централа во Чернобил ( 51°23′14″N, 30°06′41″E ), Украина дошло до експлозија.

По првата, дошло до ланец од неколку експлозии и пожари кои создале радиоактивен облак во атмосферата кој потоа се раширил над широк географски регион. Радиоактивниот облак бил 30-40 пати поголем од оној што настанал над Хирошима.