Уште еден сведок во случајот „Рекет“ кој на денешното рочиште делумно ја потврди блиската врска која Бојан Јовановски ја имал со СЈО. Имено возачот на првиот одомничен, на денешното сведочење изјавил дека имал прилика често да го вози Боки 13 го зградата на СЈО. 

Други детаљи од поводот или средбите на Бојан Јовановски, возачот не изнел поради специфичниот опис на работно место. Во својата изјава открил дека еднаш го носел до зградата на СЈО заедно со Гордана Дувњак, а со него бил и до Владата, МВР, УЈП. Додека Бојан Јовановски бил внатре во зградата, возачот го чекал на паркинг и поради тоа нема увид со кој Бојан Јовановски се среќавал во зградите на СЈО и Влада и кој бил поводот за неговата посета. 

Листа на сведоци на одбраната постојано се менува

На вчерашното и денешното рочиште за „Рекет“ беа повикувани сведоци предложени од одбраната. Осомниченот – Бојан Јовановски на списокот на одбрана има наведено 9 сведоци, а обвинетата Катица Јанева има предложено 13 сведоци. 

На вчерашното рочиште биле сослушани 3 сведоци на одбараната на Бојан Јовановски, меѓу кои Сергеј Варошлија,  сопственичката на продавница за оптика Марија Јанковска и сопственикот на галерија Алекс Кртов. 

Од листата на сведоци одбраната вчера ги повлекла  бизнисменот и поранешен градоначалник на општина Центар, Владимир Тодоровиќ, синот на осомничениот бизнисмен во „Империја“, – Цветан Панделевски, Дејан, и сопругот на пратеничката Фросина Ременски, Јовче.

Случајот именуван како „Рекет“ се води врз база на обвинение против Бојан Јовановски за перење пари и за примање награда за противзаконито влијание и против Катица Јанева за злоупотреба на службена должност и овластувања.