Бројот на загинати од силниот земјотрес што вчера го зафати источниот дел на Турција се искачи на 20, а 920 луѓе се повредени, соопштија турските медиуми.

Земјотресот која вчера го зафати источниот дел на Турција бил со јачина од 6,9 степени и бил почувствуван во соседните земји, Сирија, Либан и Иран.
Загинаа 16 лица во Елазиг, а уште четири во соседната провинција Малатија.

Длабочината e измерена на 10 километри од страна на ЕМСЦ, а бил доволно силен за луѓето да истрчаат надвор за да се засолнат, пренесуваат локалните медиуми.
Како што јавија турските медиуми најмалку четири или пет згради се урнале во Сивриџе.

Премиерот Оливер Спасовски, преку својот профил на Фејсбук изрази пидршка и солидарност со турскиот народ по катастрофалниот земјотрес кој го зафати источниот дел од Турција.

Изразуваме силна поддршка и солидарност со Турција и турскиот народ. Сочувство до семејствата на загинатите во страшниот земјотрес. Нашите мисли вечерва се со турските граѓани. Подготвени сме да помогнеме.