Се затвора џамијата Ал-Акса поради зголемениот број на заболени од Ковид-19!

Ваквата одлука за затворањето на Џамијата Ал-Акса е донесена поради раст на бројот на заразени со Ковид-19 и во Израел и во палестинските териториии, а е воведена во периодот кога и Израел на три недели ќе биде затворен, кој ги контролира влезовите во џамијата.

Фото/Текст извор: ©магазин.мк

Заклучно од утре, за вернции се затвора џамијата Ал-Акса во Ерусалим. Како што беше објавено од светските медиуми, џамијата која е трето најсвето место за муслиманите, ќе биде затворена три недели поради зголемување на бројот на заразени со новиот коронавирус.

Во Израел досега се потврдени речиси 167.000 случаи на Ковид-19, а 1.147 лица починаа од последици од новиот коронавирус.

Инаку ова е втор пат џамијата Ал-Акса да биде затворена по окупацијата од Израел на источен Ерусалим во Шестдневната војна во 1967 година.

Во окупираниот Западен Брег од последици на Ковид-19 починаа 214 лица, а над 30.200 се инфицирани.

На местото каде денеска се наоѓа Ал Акса, некогаш се простирал ерусалимскиот храм. Тој храм бил до темел срушен во 1 век по неуспешните демонстрации на евреите против тогашната римска империја. По овој чин, на секој евреин му бил забранет влез во Ерусалим. Само што градот бил “ослободен“ од страна на Византија, тој попаднал под нова власт- муслиманска. Тогаш муслиманите од тогашното светилиште за христијаните изградиле џамија. Западниот ѕид на сегашниот објект се смета дека е единствениот остататок од Соломонскиот храм и претставува најсвето место за евреите кои го нарекуваат ѕид на плачот.

Ал Акса се наоѓа на местото на некогашниот храм каде според Библијата, Аврам го донел Исак со цел да го жртвува со кое би ја покажал својата верност кон Бог. Таа стена сѐ уште се наоѓа во средината на Ал Акса. Но спротивно од тоа, муслиманите тоа го негираат. Од Ал Акса исто така може да се види и Златната капија, која некогаш се нарекувала и источна. Тоа е капијата низ која поминал Исус Христос при влегувањето во Ерусалим.

»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.