На вчерашната владина седница беа усвоени предлози и измени на серија закони од надлежност на Министерството за внатрешни работи заради усогласувањето со претходно донесениот Законот за прекршоци.
Според она за што се разговараше на седницата во однос на казнената политика во Законот за безбедност на сообраќајот на патиштата се предвидени значителни намалувања на казните.
Ако до сега достигнуваа и до 500 евра сега најголемата казна ќе биде 250 евра а најниската граница 15 евра. Но доколку се работи за животнозагрижувачки прекршоци тогаш казните остануваат исти и се укинува мандатниот платен налог, односно сите платни налози ќе бидат прекршочни.
На седницата освен за измените во Законот за прекршоци се разговараше и за возачите на електричните тротинети, односно се уште се уредува и учеството на електричните тротинети во сообраќајот со цел да бидат заштитени оние кои управуваат со нив, но да бидат заштитени и граѓаните со одредби кои значат определување на место на движење на тротинетите, возрасната граница за управување со овој тип возила, како и обврската за користењето заштитни средства.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.