Прераното укинување на мерките за заштита може да доведе до катастрофа, предупреди првиот човек на СЗО, Генералниот директор Тедрос Аданом Гебрејесус. 

Според него земјите кои сериозно се однесуваат кон отворањето на економијата и општеството мора да имаат сериозен однос кон спречување на ширење на коронавирусот и оцени дека тоа не е „невозможна рамнотежа“.

Најважни превентивни мерки за секоја земја и поединец се: спречување на ризични настани, заштита на ранливи социјални групи, лична одговорност и самозаштита, наоѓање, изолирање, тестирање и лекување на сите болни со проверка на контактите што претходно ги оствариле, посочи Гебрејесус.

Инаку пред неколку дена СЗО излезе со статистика каде беше посочено дека коронавирусот се повеќе го шират лица на возраст од 20, 30 и 40 години, а многу од нив не се ни свесни дека се заразени, однсоно се асимптоматски пациенти.

Во овие групи спаѓаат постарите лица, хронично болните на кои им е потребна долготрајна нега и луѓето кои живеат во густо населени подрачја со лоши услови за живот.