Светската здравствена организација не добила никакви докази или информации од владата на САД како доказ за тврдењата на американскиот претседател Доналд Трамп и државниот секретар Мајк Помпео дека вирусот корона е создаден во лабораторија во кинескиот град Вухан, соопшти директорот на итни случаи на СЗО, Мајкл Рајан.
„Од наша перспектива, ова сè уште е шпекулација“, им рече Рајан на новинарите во Женева.
Тој повтори дека доказите дадени од здравствената агенција на ООН и советите што ги добиле укажуваат на природното потекло на вирусот корона.
Помпео и Трамп тврдат дека виделе докази дека вирусот корона потекнува во лабораторијата на Институтот за вирологија во Вухан.
„Ако овие информации и докази се достапни, тогаш зависи од американската влада да одлучи дали и кога ќе ги сподели, но тешко е за СЗО да постапи во вакуум на информации за ова конкретно прашање“, рече Рајан.
Тој додаде дека СЗО, како и секоја друга организација базирана на докази, бара да добие какви било информации што укажуваат на потеклото на вирусот, пренесува АП.
»Вестите на порталот MAGAZIN.MK може да се користат исклучиво за лично информирање. Без писмена дозвола од порталот или посебен договор, не е дозволено превземање, користење или реемитување на вестите, во спротивно ќе следи фактурирање на име "плагијат" во вредност од 20.000 денари.
You must be logged in to post a comment.